ლანჩხუთის მუნიციპალიტეტის საკრებულოში აქტიურად მიმდინარეობს მუნიციპალიტეტის 2020 წლის მთავარი საფინანსო დოკუმენტის განხილვა. ბიუჯეტის პროექტზე იმსჯელეს ფრაქცია ,,ქართული ოცნება-მწვანეების“ წევრებმა და შენიშვნებიც გამოთქვეს:
ფრაქციამ აღნიშნა, რომ ა(ა) იპ ,,ლანჩხუთის მუნიციპალიტეტის კეთილმოწყობისა და მომსახურების ცენტრს“ ჰყავს 13 ერთეული ტექნიკა და კიდევ ემატება ორი ერთეული. ტექნიკის მომსახურება დიდძალ თანხებთან არის დაკავშირებული. ამიტომ, საჭიროა აღნიშნულ სამსახურს დამატებით გამოეყოს 50 000 ლარი, ხოლო საკურორტო სეზონის დაწყების წინ საჭირო იქნება გარკვეული თანხის კიდევ დამატება.
თავმჯდომარე ზაზა წულაძე ასევე შეეხო ყველა რანგის სპეციალისტის ხელფასების მოწესრიგების საკითხს მუნიციპალიტეტის საკრებულოსა და მერიაში, რასაც ერთხმად დაეთანხმნენ ფრაქციის წევრებიც.
ფრაქციის თავმჯდომარემ აღნიშნა, რომ ა(ა)იპ ,,ლანჩხუთის მუნიციპალიტეტის საფეხბურთო სკოლას” ესაჭიროება სახელფასო ფონდის შესავსებად 17 000 ლარი.
