ლანჩხუთის მუნიციპალიტეტის საკრებულოს ფრაქცია ,,ქართული ოცნება-დემოკრატიული საქართველოს ” სხდომა გაიმართა, რომელსაც ბესიკ კუპრაძე უძღვებოდა.
ფრაქციამ „ლანჩხუთის მუნიციპალიტეტის საკუთრებაში არსებული ძირითადი ქონების განკარგვაზე (გასხვისებაზე) მერისათვის თანხმობის მიცემის შესახებ“ იმსჯელა.
საკითხის მომხსენებელმა, გიორგი ნაჭყებიამ განმარტა, ლანჩხუთის მუნიციპალიტეტს, საკუთრებაში ძირითადი (გაუსხვისებელი) ქონების სახით, გააჩნია ნოე ჟორდანიას ქუჩაზე მდებარე 20 კვ. მ. არასასოფლო-სამეურნეო დანიშნულების მიწის ნაკვეთი და მდინარაძის ქ. N2-ში მდებარე 520 კვ. მ. არასასოფლო-სამეურნეო დანიშნულების მიწის ნაკვეთზე განთავსებული შენობა-ნაგებობის პირველი სართულის 229.57 კვ.მ. და მე-2 სართულის 294.52 კვ.მ. არასაცხოვრებელი ფართები.
ვინაიდან ზემოაღნიშნულ ქონებას დაკარგული აქვს თავისი ფუნქციური დანიშნულება, „ადგილობრივი თვითმმართველობის კოდექსის“ 121-ე მუხლის თანახმად, მუნიციპალიტეტის ძირითადი ქონების განკარგვაზე მერისათვის თანხმობის მიცემის შესახებ, მუნიციპალიტეტის საკრებულო იღებს განკარგულებას.
საკითხთან დაკავშირებით, ფრაქციამ გამოთქვა მოსაზრება, რომ ჟორდანიას ქუჩაზე მდებარე არასასოფლო-სამეურნეო დანიშნულების 206 კვ.მ მიწის ნაკვეთის განკარგვაზე მიეცეს მერს თანხმობა.
ცვლილებაა ფრაქციის შემადგენლობაში: ფრაქციის შემადგენლობა დატოვა გოდერძი ქურიძემ, ხოლო ვენე კვირკველია ფრაქციაში გაწევრიანდა.
