დღეს, ლანჩხუთის მუნიციპალიტეტის საკრებულოს სხდომა გაიმართა, რომელსაც ბესიკ ტაბიძე უძღვებოდა. კორონა ვირუსის პრევენციის მიზნით, სხდომა სოციალური დისტანციის და ჯანდაცვის სამინისტროს რეკომენდაციების გათვალისწინებით, ლანჩხუთის კულტურის სახლში ჩატარდა.
საკრებულოს სხდომას მუნიციპალიტეტის მერი ალექსანდრე სარიშვილი და საკითხის მომხსენებლები ესწრებოდნენ.
საკრებულომ 2020 წლის დამტკიცებულ ბიუჯეტში განსახორციელებელი ცვლილებები განიხილა და მხარი დაუჭირა. მთავრობის განკარგულებებით, მუნიციპალიტეტს სხვადასხვა ღონისძიებების განსახორციელებლად დაფინანსება გამოეყო, რომლის ფარგლებში სხვადასხვა ინფრასტრუქტურული პროექტები განხორციელდება. სტიქიის სალიკვიდაციო სამუშაოების განსახორციელებლად -1800000 ლარი მიიმართება, ხიდების რეაბილიტაციასა და ნაპირსამაგრი სამუშაოების მოწყობაზე . სკოლების რეაბილიტაცისთვის – 520000 ლარი, სოფლის მხარდაჭერის პროგრამების განხორციელების მინიზთ -748000 ლარი დაიხარჯება.
გაეროს განვითარების პროგრამის-რეგიონული ადგილობრივი განვითარების ინიციატივების ხელშეწყობის ფარგლებში, ლანჩხუთის მუნიციპალიტეტს გამოეყო გრანტი 309890 ლარი, რომლითაც დაფინანსდება ორი პროექტი. გრიგოლეთის განაშენიანების გეგმის შემუშავებისათვის დაიხარჯება 250000 ლარი. ტურისტული მარშუტების ლანჩხუთის მუნიციპალიტეტის საშუალომთიანი თემების ეკონომიკური გაძლიერებისათვის 67040 ლარი. მათ შორის გრანტით ფინანსდება 59890 ლარი, ხოლო მუნიციპალიტეტის თანადაფინანსება შეადგენს 7150 ლარს.
შექმნილი მდგომარეობის გამო მუნიციპალიტეტის სარეზერვო ფონდი 50 ათასი ლარი გაიზარდა.
საკრებულომ შეიტანა ცვლილება 2017 წლის 25 დეკემბრის N38 დადგენილებაში, „ლანჩხუთის მუნიციპალიტეტის მერიის თანამდებობის პირთა და სხვა მოსამსახურეთა საშტატო ნუსხისა და თანამდებობრივი სარგოს ოდენობების დამტკიცების შესახებ“ .
საკრებულომ დაამტკიცა განკარგულებები, მერისთვის თანხმობის მიცემის შესახებ უძრავი ქონების პირდაპირი განკარგვის წესით სარგებლობის უფლებით უსასყიდლოდ გადაცემაზე შ.პ.ს. ქალთა საფეხბურთო კლუბ ,,ლანჩხუთისთვის“, სსიპ „საქართველოს სტატისტიკის ეროვნული სამსახურის – საქსტატისა” და ა(ა)იპ „ლანჩხუთის მუნიციპალიტეტის კეთილმოწყობისა და მომსახურების ცენტრისთვის“.
სრულად სხდომის სანახავად იხილეთ ფეისბუქ-ლაივის ჩანაწერი: https://bit.ly/3c2fhtO
