დღეს, ლანჩხუთის მუნიციპალიტეტის საკრებულოს ეკონომიკის, ქონების მართვისა და ბუნერივი რესურსების საკითხთა კომისიის სხდომა გაიმართა.
გიორგი ჩახვაძემ კომისიის წევრებთან ერთად ის საკითხები განიხილა, რომლებიც მერისთვის საკრებულო თანხმობას გულისხმობს მუნიციპალიტეტში არსებული უძრავი ქონების პირდაპირი განკარგვის წესით სარგებლობის უფლებით უსასყიდლოდ გადაცემაზე.
,, სარგებლობის უფლებით უსასყიდლოდ, უზუფრუქტის ფორმით მუნიციპალიტეტში არსებული ქონება შ.პ.ს. ქალთა საფეხბურთო კლუბ ,,ლანჩხუთს“, სსიპ „საქართველოს სტატისტიკის ეროვნული სამსახურს“ და ა(ა)იპ „ლანჩხუთის მუნიციპალიტეტის კეთილმოწყობისა და მომსახურების ცენტრის“ გადაეცემა“, აღნიშნა კომისიის თავმჯდომარემ.
ამ საკითხებზე გადაწყვეტილებებს საკრებულო 30 აპრილს საკრებულოს სხდომაზე მიიღებს.
