ძლიერი წვიმის შედეგად ლანჩხუთის მუნიციპალიტეტში შიდა გზები, საკარმიდამო ნაკვეთები და საყანე ფართობები დაიტბორა.მუნიციპალიტეტის მერი, ალექსანდრე სარიშვილი და გურიაში სახელმწიფო რწმუნებულის პირველი მოადგილე აკაკი შენგელია სპეციალისტებთან ერთად ადგილზე გაეცნენ მდგომარეობას.
სოფელ ომფარეთსა და ჯიხანჯირში საცხოვრებელი სახლები დაზიანდა.
სოფელ ჭანჭათის მოსახლეობას არ მიეწოდება ელექტროენერგია. დაზიანება „ენერგო პრო ჯორჯიას“ თანამშრომლების მიერ დღის ბოლომდე აღმოიფხვრება.
ამ დროისათვის მუნიციპალიტეტში სერიოზული დარღვევები არ ფიქსირდება.
