4 დეკემბერს ქრისტიანული სამყარო ღვთისმშობლის ტაძრად მიყვანების დღესასწაულს აღნიშნავს.
ყოველ წელს განსაკუთრებით აღინიშნება დღესასწაული სამება-ჯიხეთის დედათა მონასტერში.
საზეიმო წირვა-ლოცვა ტაძრის წინამძღვარმა არქიმანდრიტმა ანდრიამ მეუფე იოსებთან და გურიის ეპარქიის სამღვდელოებასთან ერთად აღავლინა.
სადღესასწაულო წირვას სახელმწიფო რწმუნებული გურიის მხარეში გიორგი ურუშაძე, ლანჩხუთის მერი ალექსანდრე სარიშვილი, ლანჩხუთის მუნიციპალიტეტის საკრებულოს თავმჯდომარე ბესიკ ტაბიძე და ადგილობრივი ხელისუფლების წარმომადგენლები ესწრებოდნენ.
მონასტერი დაარსებულია XIX ს-ის მიწურულს. ღვთისმშობლის ტაძრად მიყვანების ტაძარი 1896 წელსაა აგებული. 2002 წელს აიგო წმ. იოანე ნათლისმცემლის მუცლადღების ტაძარი. ეზოში მოწყობილია სანათლავი აუზი, რომელშიც წყაროს წყალი ჩაედინება. წყალს სამკურნალო თვისებები აქვს.
