სამხედრო გაწვევისა და რეკრუტირების ეროვნული სააგენტოს სამეგრელო-ზემო სვანეთისა და გურიის რეგიონული ცენტრის ლანჩხუთის განყოფილების უფროსი რევაზ კილაძე ლანჩხუთის მუნიციპალიტეტის მერს, ალექსანდრე სარიშვილს, მოადგილეებსა და ადმინისტრაციულ ერთეულებში მერის წარმომადგენლებს შეხვდა.
შეხვედრაზე ეროვნული სამხედრო სამსახურის შესახებ ისაუბრეს. მერის წარმომადგენლებს ზოგადი ინფორმაცია მიეწოდათ წვევამდელთა გაწვევასთან დაკავშირებით.
მუნიციპალიტეტის მერმა აღნიშნული სააგენტოს წარმომადგენელს მხარდაჭერა აღუთქვა.
შეხვედრაზე დაისვა კითხვები, რომლებსაც ამომწურავი პასუხები გაეცა.
