ლანჩხუთის მუნიციპალიტეტის საკრებულოში თავმჯდომარის, ბესიკ ტაბიძის ხელმძღვანელობით, ბიუროს მორიგი სხდომა გაიმართა.ბიურომ განიხილა 2026 წლის ბიუჯეტში ცვლილებების საკითხი და მხარი დაუჭირა შესაბამისი პროექტის საკრებულოს სხდომაზე გატანას. ასევე მხარდაჭერილ იქნა მუნიციპალიტეტის ტერიტორიაზე არსებული სახელმწიფო და მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენა, მუნიციპალიტეტის ქონების საპრივატიზაციო ობიექტების ნუსხისა და პრივატიზაციის გეგმის დამტკიცება.
ადმინისტრაციული წარმოება დაიწყო პროექტებზე – ადგილობრივი (ქონების) გადასახადის შემოღებისა და მისი განაკვეთების განსაზღვრის, აგრეთვე საკრებულოს რეგლამენტში ცვლილების შეტანის თაობაზე.
ბიურომ ცნობად მიიღო 2026 წლის ბიუჯეტის იანვრის თვის შესრულების ანგარიში.
მორიგი სხდომა 25 თებერვალს გაიმართება.
