სოფელ შუხუთის მოსახლეობის ინიციატივით, აღდგომის ბრწყინვალე დღესასწაულთან დაკავშირებული ტრადიციული ლელობურთი წელს არ გაიმართა.
აღნიშნული გადაწყვეტილება სრულიად საქართველოს კათოლიკოს-პატრიარქის, ილია II-ის ხსოვნის პატივსაცემად იქნა მიღებული.
ტრადიციული თარიღის აღსანიშნავად, მოსახლეობის ჩართულობით შეიკერა ლელობურთი, რის შემდეგაც ლანჩხუთის მუნიციპალიტეტის სასულიერო პირებმა საქართველოს კათოლიკოს-პატრიარქის, ილია II-ის, სულის მოსახსენებელი პანაშვიდი გადაიხადეს.
ბურთის შეკერვის რიტუალს და პანაშვიდს ლანჩხუთის მუნიციპალიტეტის მერი ალექსანდრე სარიშვილი, გურიის მხარეში სახელმწიფო რწმუნებულის მოადგილე ლაშა ჭელიძე, საკრებულოს თავმჯდომარე ბესიკ ტაბიძე და მერის მოადგილეები ეკატერინე გუჯაბიძე და თორნიკე ტიკაძე დაესწრნენ.
