დღეს, ლანჩხუთის მუნიციპალიტეტის საკრებულოს ფრაქცია ,,ქართული ოცნება-დემოკრატიული საქართველოს ” სხდომა გაიმართა.
ფრაქციამ მხარი დაუჭირა მერისთვის თანხმობის მიცემას „ლანჩხუთის მუნიციპალიტეტის საკუთრებაში არსებული უძრავი ქონების ა(ა)იპ „ლანჩხუთის მუნიციპალიტეტის საფეხბურთო სკოლისთვის“ პირდაპირი განკარგვის წესით, სარგებლობის უფლებით, უსასყიდლოდ გადაცემას.
როგორც აღინიშნა, უსასყიდლოდ გადაცემა ა(ა)იპ „ლანჩხუთის მუნიციპალიტეტის საფეხბურთო სკოლისთვის‘’ მიზანშეწონილია, რადგან ის შეძლებს მისთვის წესდებით განსაზღვრული უფლებამოსილების სრულფასოვნად განხორციელებას.
მხარი დაუჭირა ქონების საპრივატიზაციო ობიექტების ნუსხასა და ქონების პრივატიზაციის გეგმაში განსახორციელებელ ცვლილებებას. ნუსხასა და გეგმას ახალი ობიექტები დაემატა : ქ. ლანჩხუთში გორგასლის ქუჩაზე მდებარე ყოფილი საჭადრაკო სკოლა, ურუშაძის ქუჩაზე მდებარე N1 ბინაში თანასაკუთრებაში არსებული 470,00 კვ.მ არასასოფლო-სამეურნეო დანიშნულების მიწის ნაკვეთი და პირველ სართულზე განთავსებული ფართები, ასევე ურუშაძის ჩიხში მდებარე 597,00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობა, სოფელ გვიმბალაურში მდებარე 2715,00 არასასოფლო-სამეურნეო დანიშნულების მიწის ნაკვეთი.
ფრაქციამ ასევე 2019 წლის ბიუჯეტში შესატან ცვლილებებზეც იმსჯელა.
სხდომას მუნიციპალიტეტის მერი და საკითხის მომხსენებლები ესწრებოდნენ.
