ლანჩხუთის მუნიციპალიტეტის საკრებულოს კომისიებმა და ფრაქციებმა მუნიციპალიტეტის 2020 წლის მთავარი საფინანსო დოკუმენტი და პრიორიტეტის დოკუმენტი განიხილეს და თავიანთი მოსაზრებები როკომენდაციები გამოთქვეს.
სოციალურ საკითხთა, განათლების, კულტურისა და ახალგაზრდულ საქმეთა კომისიამ 2020 წლის ბიუჯეტის პროექტის ირგვლივ შემდეგი შენიშვნები გამოთქვა:
- ა(ა)იპ ლანჩხუთის მუნიციპალიტეტის „სკოლამდელი საგანმანათლებლო-სააღმზრდელო ცენტრის“ აღმზრდელებს გაეზარდოთ სახელფასო ანაზღაურება;
- ლანჩხუთის მუნიციპალიტეტის ბიუჯეტის პროექტით გათვალისწინებული საჯარო მოხელეთა ხელფასის მოწესრიგება შეეხოს ყველა რანგის სპეციალისტს;
- რელიგიური ორგანიზაციების ხელშეწყობისათვის ბიუჯეტში გამოყოფილი 40 000 ლარი მოხმარდეს მუნიციპალიტეტის ადმინისტრაციულ ერთეულებში მდებარე მონასტრებს საჭიროების შემთხვევაში;
- სოფლებში მერის წარმომადგენლებს გაეზარდოთ საწვავის ლიმიტი, ასევე სატელეფონო მომსახურება;
- აუცილებელია მუნიციპალიტეტმა შეიძინოს მძიმე ტექნიკა, რადგანაც ხშირია სტიქია და ქირაობენ სხვადასხვა მუნიციპალიტეტებიდან;
- კომისიის წევრებმა განაცხადეს, რომ მუნიციპალიტეტში არ არსებობს „მეტადონის“ მომხმარებლებისთვის სპეციალური მომსახურება, მათ სხვადასხვა ქალაქებში უწევთ წასვლა, რაც ხარჯებთანაა დაკავშირებული. სასურველია გათვალისწინებულ იქნას მათი მოთხოვნა და ადგილზე გაიხსნას მათი მომსახურების ცენტრი.
- მუნიციპალიტეტმა ბიუჯეტში გაითვალისწინოს დიალეზის ცენტრის მოწყობისთვის საჭირო თანხა. ამ მიმართულებით დაიწყოს მუშაობა, რომ საჭიროების მქონე ბენეფიციარების მომსახურება ადგილზე გახდეს შესაძლებელი;
- მოგვარდეს მაწანწალა ძაღლებთან დაკავშირებული პრობლემები
