საკრებულომ 2020 წლის ბიუჯეტის პროექტი მერიას შენიშვნებით დღეს დაუბრუნა

მომავალი წლის მთავარი საფინანსო დოკუმენტის პროექტით, ლანჩხუთის მუნიციპალიტეტის ბიუჯეტი  10 030 600  ლარით განისაზღვრა. ჩამოყალიბდა მუნიციპალიტეტის განვითარების ძირითადი მიმართულებები და გამოიკვეთა ბიუჯეტში გასათვალისწინებელი პრიორიტეტები, პროგრამები.
მუნიციპალიტეტის პრიორიტეტული მიმართულებებია:

  •  ინფრასტრუქტურის განვითარება;
  •  დასუფთავება და გარემოს დაცვა;
  • განათლება;
  • კულტურა, ახალგაზრდობა და სპორტი;
  • მოსახლეობის ჯანმრთელობის დაცვა და სოციალური უზრუნველყოფა;
  •  მმართველობა და საერთო დანიშნულების ხარჯები

საკრებულოს დარგობრივმა კომისიებმა  და ფრაქციებმა მერიისგან 15 ნოემბერს წარმოდგენილი ბიუჯეტის პროექტზე განხილვები დაასრულეს.  კონკრეტული შენიშვნები, რეკომენდაციები და წინადადებები, გათვალისწინების მიზნით დასკვნების სახით აღმასრულებელ ორგანოს დღეს გადაეგზავნა.  კანონმდებლობის შესაბამისად, უკვე ბიუჯეტის კორექტირებული პროექტი მერიამ საკრებულოში 10 დეკემბრამდე უნდა წარმოადგინოს.

საკრებულო მიიჩნევს, რომ 2020 წლის ბიუჯეტის პროექტში გათვალისწინებული უნდა იქნას შემდეგი შენიშვნები:

  • ა(ა)იპ ,, კეთილმოწყობის და მომსახურების” ცენტრის ბიუჯეტს დაემატოს 50 000 ლარი და ზაფხულის სეზონის მოსვლასთან დაკავშირებით გაეზარდოს დაფინანსება  აუცილებელი მოთხოვნილებებიდან გამომდინარე  შესაძლებლობის ფარგლებში;
  •  ა(ა)იპ ,, კეთილმოწყობის და მომსახურების” ცენტრის სრულყოფილი და ეფექტური ფუნქციონირებისთვის აუცილებელია საქმიანი ეზოს და სამრეცხაოს მოწყობა;
  • ა(ა)იპ ,, კულტურის დაწესებულებათა  გაერთიანებას” დაემატოს 55 000 ლარი ფოლკლორული ჯგუფებისთვის ფორმების შესაძენად.
  • ა(ა)იპ ,,სახელოვნებო სკოლათა გაერთიანებას”   დაემატოს 4 800 ლარი  მის დაქვემდებარებაში არსებული ობიექტების დაცვაზე აყვანის მომსახურებისთვის;
  • ლანჩხუთის მუნიციპალიტეტის  გენდერულ  საბჭოს დაემატოს 5000 ლარი;
  • მოსაწესრიგებელია ლანჩხუთის მუნიციპალიტეტის შენობაში არსებული საპირფარეშო;
  • ლანჩხუთის მუნიციპალიტეტის ბიუჯეტის პროექტით გათვალისწინებულია ხელფასების       მოწესრიგება, რომელიც სასურველია შეეხოს ყველა დონის სპეციელისტს, რისთვისაც დამატებით საჭიროა დაახლოებით  28000 ლარის მოძიება.
  • ა(ა)იპ  ,, ქალთა საფეხბურთო სკოლას” გაეზარდოს ბიუჯეტი 20 000 ლარით;
  • ა(ა)იპ ,,საფეხბურთო სკოლის”  სახელფასო ფონდის შესავსებად საჭიროა  17 000 ლარის დამატება;
  • რელიგიური ორგანიზაციების ხელშეწყობისათვის ბიუჯეტში გამოყოფილი 40 000 ლარი მუნიციპალიტეტის ადმინისტრაციულ ერთეულებში მდებარე მონასტრებს მოხმარდეს საჭიროების შემთხვევაში;
  • მუხლობრივად განისაზღვროს ძალადობის მქონე მსხვერპლი ქალების მიმართ ერთჯერადი დახმარებითვის 5000 ლარი.
  • მაწანწალა ძაღლებისთვის გაკეთდეს თავშესაფარი;
  • სოფლის წარმომადგენლებს მოემატოს საწვავისა და ტელეფონის ხარჯი;
  • ლანჩხუთის მუნიციპალიტეტში მოხდეს მეტადონისა და ჰემოდიალიზის პროგრამაზე მყოფი პირებისთვის მომსახურეობის გაწევა;
  • მუნიციპალური ტრანსპორტის მოწესრიგება;
  • მუნიციპალიტეტის ცენტრში მოეწყოს ტურისტული ადგილების მიმართულების მაჩვენებელი ნიშანი;
  • ერთი ერთეული გრეიდერისა და ექსკავატორის შეძენა.
Share:

კომენტარის დატოვება