საკრებულოს ფრაქცია ,,ქართული ოცნება- დემოკრატიული საქართველოს“ სხდომაზე 2020 ბიუჯეტის პარამეტრებსა და პრიორიტეტებზე მერიის საფინანსო-საბიუჯეტო სამსახურის უფროსთან და მუნიციპალიტეტის მერთან ერთად იმსჯელეს.
ფრაქციის წევრებმა ყველა პრიორიტეტულ მიმართულებაზე გაამახვილეს ყურადღება. კერძოდ, ესენია: ინფრასტრუქტურის განვითარება, დასუფთავება და გარემოს დაცვა, 
განათლება,კულტურა, ახალგაზრდობა და სპორტი, ჯანმრთელობის დაცვა და სოციალური უზრუნველყოფა.
სხდომაზე დეტალურად მისმინეს ინფორმაცია იმ პროექტებზე, პროგრამებსა და სერვისებზე, რომლებიც აღნიშნული პრიორიტეტების მიხედვით ბიუჯეტის პროექტშია წარმოდგენილი.
ბიუჯეტის პროექტის განხილვის პროცესში გამოკვეთილი წინადადებებსა და შენიშვნებს ფრაქცია დასკვნაში ასახავს.
