,,სოფლის მხარდაჭერის პროგრამის“ ფარგლებში დღეს შეხვედრა სოფელ ლესის მოსახლეობასთან შედგა.
მოსახლეობამ სხვადასხვა მნიშვნელოვანი საკითხი დასვა, თუმცა უმრავლესობის გადაწყვეტილებით, შიდა გზების მოწესრიგება გადაწყდა.
შეხვედრას მუნიციპალიტეტის მერი ალექსანდრე სარიშვილი, საკრებულოს თავმჯდომარე ბესიკ ტაბიძე, მერის თანაშემწე თორნიკე ტიკაძე და ადგილობრივი ხელისფლების სხვა წარმომადგნელები ესწრებოდნენ.
„სოფლის მხარდაჭერის პროგრამა“ რეგიონში განსახორციელებელი პროექტების ფონდიდან ფინანსდება და მიმდინარე წელს ლანჩხუთის მუნიციპალიტეტისთვის 748 000 ლარს შეადგენს.
პროექტის ფარგლებში სასმელი წყლის მილების რეაბილიტაცია, სანიაღვრე არხების მოწყობა, ნაპირსამაგრი სამუშაოები, გზების, ხიდებისა და მილხიდების, გარე განათებისა და სპორტული ინფრასტრუქტურის მოწესრიგება და ა.შ. იგეგმება.
