საკრებულოს სივრცით-ტერიტორიული დაგეგმარებისა და ინფრასტრუქტურის კომისიის სხდომაზე მიმდინარე წლის ბიუჯეტში შესატანი ცვლილებები განიხილეს.
როგორც აღინიშნა, მთავრობის განკარგულებით, რეგიონებში განსახორციელებელი პროექტების ფონდიდან ლანჩხუთის მუნიციპალიტეტს გამოეყო 3 941 050 ლარი, თანადაფინანსებაზე მუნიციპალიტეტის ბიუჯეტიდან უნდა მიიმართოს 207 620 ლარი. 4 148 670 ლარი მუნიციპალიტეტში განსახორციელებელ ინფრასტრუქტურულ პროექტებზე მიიმართება.
აქედან ქალაქ ლანჩხუთში საფეხმავლო ბილიკების, გარე განათების და მიმდებარე ტერიტორიაზე მრავალბინიანი შენობების ფასადების რეაბილიტაციაზე მიიმართება 642 025 ლარი, ქალაქ ლანჩხუთში 10 ქუჩაზე სანიაღვრე არხების მოწყობაზე 1189492 ლარი, ლანჩხუთში მრავალბინიანი სახლების სახურავების რეაბილიტაციაზე 254979 ლარი.
ნიგოითის ადმინისტრაციულ ერთეულში ცენტრალურ მაგისტრალზე გარე განათების მოწყობაზე 142486 ლარი დაიხარჯება, ლანჩხუთის მუნიციპალიტეტის ადმინისტრაციულ ერთეულებში შიდა სასოფლო გზების რეაბილიტაციაზე კი 1070556 ლარი.
საფეხბურთო აკადემიის მოედნის განათების და ეზოს კეთილმოწყობაზე 553342 ლარი მიიმართება, მათ შორის 506674 ლარი ფონდიდან გამოყოფილი, მუნიციპალიტეტის ბიუჯეტიდან 26668 ლარი.
ლესის, გვიმბალაურის, ღრმაღელის და სუფსის ადმინისტრაციულ ერთეულებში განხორციელდება წყალმომარაგების სისტემის რეაბილიტაცია.
მაჩხვარეთის, შუხუთის, ჩიბათის, ნინოშვილის, ჩოჩხათის, ღრმაღელის, აცანის, ლესის, ჯურუყვეთის და ნიგვზიანის ადმინისტრაციულ ერთეულებში მოეწყობა ნაპირსამაგრები. რეაბილიტირდება ქალაქ ლანჩხუთში ჟორდანიას ქუჩაზე არსებული სტადიონი.
ამ და სხვა ცვლილებების ბიუჯეტში ასახვის მიზნით, საკრებულო საჯარო დმინისტრაციულ წარმოებას დაიწყებს.
ვრცლად ცვლილებების შესახებ გაეცანით პროექტს: http://lanchkhuti.gov.ge/?p=5141
