ლანჩხუთის მუნიციპალიტეტის მერმა ალექსანდრე სარიშვილმა, კორონა ვირუსთან დაკავშირებით, მერიის სამსახურების, ა(ა) იპ „კეთილმოწყობის და მომსახურების ცენტრის“, სააღმზრდელო საგანმანათლებლო ცენტრისა და რესურსცენტრის წარმომადგენლებთან სამუშაო შეხვედრა გამართა. შეხვედრაზე აღინიშნა, რომ ჯანდაცვის სამინისტროს რეკომენდაციების შესაბამისად, სპეციალური ხსნარებით დამუშავდება ბაგა-ბაღები, საჯარო და სახელოვნებო სკოლები. საქართველოს პრემიერ-მინისტრის გიორგი გახარიას ხელმძღვანელობით შექმნილი საკოორდინაციო საბჭოს ფარგლებში უკვე ამოქმედებულია საკოორდინაციო სამუშაო ჯგუფები მხარის რწმუნებულების ხელმძღვანელობით. სამუშაო ჯგუფებს კოორდინაციას რეგიონული განვითარებისა და ინფრასტრუქტურის სამინისტრო და საქართველოს პრემიერ-მინისტრის მრჩეველი რეგიონალურ საკითხებში სოზარ სუბარი უწევენ.
