დღეს, ლანჩხუთის მუნიციპალიტეტის საკრებულოს მორიგი სხდომა გაიმართა, რომელსაც ბესიკ ტაბიძე უძღვებოდა.სხდომაზე წუთიერი დუმილი მიაგეს საქართველოს მე-6 და მე-8 მოწვევის პარლამენტის წევრის ,ლანჩხუთის მაჟორიტარს პარლამენტში, ბიძინა გუჯაბიძის ხსოვნას.
იურიდიულ საკითხთა და ეთიკის კომისიის თავმჯდომარე ვერიკო კვირკველიამ სხდომას გააცნო ფრაქცია „ერთიანი ნაციონალური მოძრაობის“ დაშლის შესახებ ინფორმაცია რომელიც ცნობად იქნა მიღებული. 
საკრებულომ დღის წესრიგით განსაზღვრულ სამ საკითხზე მიიღო გადაწყვეტილება. დამტკიცდა „ლანჩხუთის მუნიციპალიტეტის 2021 წელს განსახორციელებელი ინფრასტრუქტურული პროექტების მოწონების შესახებ“ განკარგულება.
დაიწყო ადმინისტრაციული წარმოება წლის მთავარი საფინანსო დოკუმენტის „ლანჩხუთის მუნიციპალიტეტის 2021 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს დადგენილების მისაღებად.
დამტკიცდა „ლანჩხუთის მუნიციპალიტეტის საკუთრებაში არსებული უძრავი ქონების პირდაპირი განკარგვის წესით სარგებლობის უფლებით-უზუფრუქტის ფორმით გადაცემაზე მერისთვის თანხმობის მიცემის შესახებ“ლანჩხუთის მუნიციპალიტეტის საკრებულოს განკარგულება.
ვრცლად სხდომის შესახებ იხილეთ პირდაპირი ტრანსლაციის ბმული:https://bit.ly/3nYZxxr
