“ევგრაფის თასი” დასრულდა

დასრულდა 2009 წელს დაბადებულ ჭაბუკთა შორის ევგრაფი შევარდნაძის სახელობის ტურნირი, რომელიც ხუთ ივლისს დაიწყო. “ევგრაფის თასის” გათამაშებაში თავისთავად, გურიის, იმერეთის, სამეგრელოს და აჭარის ჭაბუკთა ნაკრებები მმონაწილეობდნენ. ტურნირის დასკვნით ეტაპს ლანჩხუთის მუნიციპალი

ეტის მერი ალექსანდრე სარიშვილი და მერიის კულტურის, განათლების, სპორტისა და ახალგაზრდულ საქმეთა სამსახურის უფროსის მოვალეობის შემსრულებელი, პაატა ურუშაძე დაესწრნენ. “მისასალმებელია, რომ მსგავსი ტურნირები ტარდება. ეს ხელს უწყობს ახალგაზრდა თაობის გაზრდას ფეხბურთში და მომავლის სპორტის განვითარებას. ისეთი ემოციური მატჩები ჩაატარეს ამ ათი წლის ბიჭებმა, რომ არც მოველოდი. ძალიან ვგულშემატკივრობდი ჩვენს ნაკრებს, რომელიც მეორე ადგილს დასჯერდა. ვულოცავ გამარჯვებულ იმერეთის გუნდს. თითოეულ ნაკრებს კი მადლობას ვუხდი ტურნირში მონაწილეობისათვის” – აღნიშნა ალექსანდრე სარიშვილმა. პირველი ადგილი წილად ხვდა იმერეთის ნაკრებს, მეორეზე გურია გავიდა, ხოლო აჭარა მესამეს დასჯერდა. გამოვლინდნენ ასევე საუკეთესო მეკარე, საუკეთსო ბომბარდირი, საუკეთესო მცველი და ნახევარმცველი, ყველაზე პერსპექტიული მოთამაშე და ა.შ. თითოეულ მათგანს გადაეცათ პრიზები და სამახსოვრო საჩუქრები. ტურნირი საქართველოს ფეხბურთის ფედერაციის, ქართული ფეხბურთის განვითარების ფონდის, გურიის ფეხბურთის ფედერაციისა და ლანჩხუთის მუნიციპალიტეტის მერიის მხარდაჭერით ჩატარდა.