საქართველოს პრეზიდენტმა სალომე ზურაბიშვილმა გურიის რეგიონში სტუმრობის ფარგლებში, ლანჩხუთის ბავშვთა საფეხბურთო აკადემია დაათვალიერა.
-მივესალმები მსგავს პროექტებს, რომლებიც მიზნად ქართული სპორტის განვითარებას ისახავს და ვისურვებდი, რომ მომავალში ქალთა ფეხბურთსაც მეტი ყურადღება დაეთმოს და კიდევ უფრო განვითარდეს – განაცხადა პრეზიდენტმა.
შეხვედრას საქართველოს პარლამენტის დეპუტატი ნინო წილოსანი, გურიის მხარის რწმუნებული ზურაბ ნასარაია და ადგილობრივი ხელისუფლების წარმომადგენლები ესწრებოდნენ.
